رأي من الدين

* العيد قرب يا شيخ وفي ناس في الأعياد بيزوروا المقابر ويجددوا أحزانهم على أمواتهم.. فهل الكلام ده صاح في العيد؟!
ـــ الكلام ده مخالف للشرع وتجديد الحزن يوم العيد عكس شريعة الإسلام، شريعة الإسلام هو الفرح والبهجة والسرور يوم العيد، نزخرف بيوتنا في العيد زي الماحصل حاجة، أبونا المات ده نتصدق ليهو نديهو هديتو في العيد، هديتو تشوف جيرانك المساكين الأيتام أمشي أديهم مبلغ من المال، اللهم وهبت ثواب العشرين جنيه دي لروح أمي أو أبوي، أبوك يفرح بالهدية دي وتنور ليهو قبرو. لكن تجديد الحزن في العيد ما بتنفع الميت. ويوم العيد يوم فرح وسرور.. نزور الأهل والجيران ونطلب منهم العفو ما يكون الزول بين أهلو وجيرانو زعل أصلاً.