طرائف سودانية

01-11-2016-07-8رجل بدأ عليه ( الزهايمر)
ينسى أبسط الأشياء ..
زوجته تضحك عليهو ..
طالع الشغل تناديهو
يا راجل نسيت الشنطة ..
يوم يرجع ناسي المفاتيح
والمره تضحك عليهو..
تاني يوم طالع .. ينسي الرخصة…ينسى الجزلان …
و المره تضحك ..
يا اولاد شوفو ابوكم المخرف
وهو الغايظو ضحكة زوجته..
فكر يكتب مستلزماتو كلها في ورقة ويتمم عليها قبل ما يطلع الشغل عشان ما يديها فرصة تضحك عليهو زي كل يوم من الصباح ..
لبس و مسك ال check list
و تمم على كل حاجة قبل ما يطلع الشغل….. الشنطة… .
المفاتيح …
الرخصة ..
حق الفطور …
نضارة القراية ….
كل شئ تمام …
طلع من الغرفة
و قف في نص الحوش
وحمحم لزوم لفت نظر زوجته ….
التي أطلقت ضحكه كبيرة ..
قاليها .. اها مالك ؟علي الطلاق الليلة حاجة نسيتها مافي
قالت ليهو
يا راجل هووووي
ارجع الليلة الجمعة شغل
مااا في…
حامد أحمد ( الخرطوم)