أقدار الريدة

ALSAHAFA-17-01-2017-40شفتي كيف يا حبيبة
الشوق بخلق لينا الصدفة
شفتي هواك وكتين لقياك
كيف بنادي حنين الالفة
وكيف صبرت عيوني معاك
لمن بانت فيها اللهفة
فجأة كدا القاكي هنا
ياخي شعوري يمين ما كفى
جميلة اقدار الريدة معانا
قبل اراك الحاجب رفه
كان الحب ماخد ميعاد
وكان الموقف عايز زفة
وكان احساسي حداك بردان
او مشتاق محتاج ادفا
واصلا انا طاريك دوام
كنت معاي بطبعك اوفى
زي الموج بس بمشي قريب
ويرجع تاني يلامس الضفة
واهو في بالي بحبك جدا
واهي بيناتنا بتحيا العرفة
أحمد فداسي