يقال إنها كتبت في زمن المستعمر الذي يحكم بالقهر والظلم.حاج الماحي … التمساح سكن الشايقية خلو يروح نسيا منسيا

ALSAHAFA5-3-2017-523ولد الحاج الماحي بن محمد بن الشيخ بن أحمد بن عبد الله عام 1789م بقرية الكاسنجر و هاجر قرب مدينة كريمة وتوفي بها 1871م.
كتب عددا كبيرا من المدائح النبوية اشهرها مدحة «التمساح» وقد اختلفت الروايات حول مناسبة كتابة القصيدة .
قيل ان المدحة كتبت بعد ان ظهر تمساح خطير فى منطقة الكاسنجر مما تسبب فى هلع وخوف المواطنين هناك وطلبوا من حاج الماحى نده كل اولياء الصالحين لقتل التمساح وقام بنظيم القصيدة وذكر «99 وليا» صالحا وبعدها التمساح وجد ميتا على البر وعليه أثر «99 طعنة».
وهناك رواية أخرى وهى الاقرب الى الواقع تقول ان القصيدة رمزية والتمساح المقصود هنا هم المستعمر الذي يحكم البلاد بالقهر والظلم.
وفئة ثالثة تقول بان القصيدة ليست من أشعار المادح حاج الماحى لان كل مدائح حاج الماحى كانت فى وصف وتعظيم الرسول ولم يكتب فى خلاف مدح الرسول وحجاج بيت الله وزوار قبر الرسول … وان هذه القصيدة لا تشبه قصائده
يا رحمن ارحم بى جودك
يارحمـن ارحم بى جودك دلى الغيث ينزل فى بلودك
سم يا فمى اذكر معبودك قول يا واحدا حى فى وجودك
يا مسعد اسعد بسعودك ونحن نصلى على مريودك
***
يا رحمان ارحم بى برك يا حافظ فى بحرك وبرك
فى وليانك اطلق سرك خل نيشاتن اليتحرك
***
آمين آمين يا كاشف الغمه جنب ها الدابى تصبحو رمه
تسلط واحد ايدو مدمه يعجل قتلو قبيح القمه
***
يا الخلفاء الحالكم مرضيه يا اهل البيعه العقدوا النيه
التمساح سكن الشايقيه خلو اليروح نسيا منسيا
***
يا ابن ادريس عدل نيشانك فوق الكل عامر ديوانك
هم يا شيخ الناس حيرانك فى التمساح بين برهانك
***
يا ابن ادريس شيخنا النورانى يا صاحب الفتح الربانى
يا ابنو العركى ويا السمانى ارمو سهامكم يا فرسانى
***
شيء لله يا ذات التجلى صاحب السر والفتح الكلى
يا الغوث البى الكون متولى التصريف هيلك عجلى
***
يا عبد الوهاب التازى يا اب درعا منسوب بى حجازى
التمساح تمساحا خازى درنا العوم ادونا الاجازى
***
يا الداسوقى وشيخو رفاعى يا حسن التواع كون واعى
الشبلى وشيبان الراعى ارمو سهامكم يا شجاعى
***
شيء لله يا اهل الدايره يا الفى الكون اسراركم سايره
ارخو السر فى السحره الغايره خلو الدايره التصبح نايره
***
وينكم لى وينكم يا قومنا سهرانين نحسب فى نجومنا
التمساح حجر لى عومنا ان ما جيتونا عليكم لومنا
***
وينكم وينكم يا ديله يا اهل ا لحضره الليله الليله
اجتمعوا وخلوا البهديله التمساح احموهو الشيله
***
وينكم لى وينكم يا كمل يا لحاق فيكم بتأمل
يا الفوت البى الكون اتحمل عرض الدار روح يتهمل
***
وينكم لى وينكم يا كسر يا لحاق فيكن بدثر
التمساح بلحيل انجسر امرو عليكن ماب يتعسر
***
شيء لله يا حسن البصرى صهيب الروم ذا النون المصرى
يا الدباغ ابو سرا يسرى يا ابن المحجوب الناس متحسرى
***
شيء لله يا اب جلابيه يا عثمان شيخ الختميه
يا الصلاح جمله الاولياء التمساح شوفولو اذيه
***
شيء لله يا راجل البقعه يا اهل الحضره البعد الهجعه
يا الفكى شيخ الهام اب تسعه شيل الدابى تحتكم بدعه
***
شيء لله يا عبد القادر محى الدين البحر السادر
يا ود زينب قوم لى مبادر يا ود حاج قول جيتكم حاضر
***
شيء لله يا راجل البركل يا قايم الليل ماب تكسل
يا عايم بالله اتوكل قول للدود من بلدى اتفضل
***
يا اهل الركب الفات بى ليلو ما فيكم واحدا شاد حيلو
احمد واحمد واحمد شيلو ود عدلان فوق راسو اديلو
***
يا ياسين يا ود حميده يا اهل القبه الباقيه فريده
انتو ما ابتا طيتو اكيده ما بتغلبكم هذى الصيده
***
يا رجاله نورى اتلموا خلو الغفله جميعكم هموا
محمد صالح قام بى عمو لطم الدود بالسر فوق فمو
***
يابا حمدتو اب نايبا شوكه صاحب سر وايدك مبروكه
يا اب نيران الحقنا بابوكا هم يا شيخ الناس زموكا
***
يا الفكى شيخ العبد الصالح يا لحاق فى بحر المالح
ود بيلى و عووضه القارح وين حاج عيسى القدر الطامح
***
يا اب شارب واولاد السته امانى عليكم ليش ها السكته
اسمع يا شيخ القول ليك انت جرت الحين فى بلادكم نكته
***
الزرق ابوات ود حاج موسى يا الكمل ما فيكن دوسه
البلد الكانت محروسه اتحجر العوم والناس محبوسه
***
يا ود جابر ليك بنادى قوم با خوانك لا البولادى
يا العجمى اب رزقا صيادى اخدوا الشكره العادى العادى
***
يا اولاد جابر بى عجميكن قوم الخمسه واكربوا سريكم
نادوا اب رابعه وخلوا يجيكم قتل الدود مو قاسى عليكم
***
يا وراق يجن حوباتك فى التمساح بين آياتك
خلو يصوب من بلداتك لا يتمسخر فى زوراتك
***
شيء لله يا رجالتنا شرف الدين فرسان المتنه
صالح السلمى اسمعوا كلمتنا احبسوا الدود لا يطل صفحتنا
يا النبى بى جاهك ثبتنا احفظنا واستر عربتنا
اكوى اعدانا وكيد شامتنا فى الدارين اكتب راحتنا
***
البنيان يا جمله صحابى الغوث يا قطب الاقطابى
الشبلى وبدوى النشابى ارخو السر فى هذا الدابى
***
على المحبوب صل يوت يا برا عدد مخلوق جميع لا الذره
نظملوا الماحى قصيده وجرا تنجى الامه فى يوم الحرا
***
صلاه الله عدد ما لبا وقاف الحج وطواف الكعبه
سلاما جابوا الماحى معبا يعم السيد والال والصحبا